Besproeiingsontwerp en konsultasie

 

 

 

 

 

Cherry Irrigation bied ’n volledige en allesomvattende landbou-ontwerp- en konsultasiediens wat alle besproeiingstelsels en gewasse insluit, of die boerdery onderdak is of nie.

Selfs indien jy slegs ‘n paar van die ontwerpstappe benodig, en nie die volle pakket nie, kan ons help. Ons spesialiseer ook in ontwerpe vir pomphuise, outomatiseringstelsels en hooflyn-retikuleringstelsels. ’n Tipiese proses begin met ‘n aanvanklike konsultasie. Hier word ‘n skatting van die ontwerpkoste gemaak. Voordat enige ontwerp- en beplanningsaktiwiteite begin, doen ons ‘n behoeftebepaling en ‘n topografiese opmeting. Ons vergader ook met die relevante belanghebbendes soos grondkundiges, landboukundiges en kweekhuisvervaardigers. Die proses sluit af met die opstel van planne, tegniese dokumente en tekeninge, asook ‘n volledige lys van al die benodighede.

  • Stap 1

    Aanvanklike konsultasie en behoeftebepaling

    Tydens die eerste konsultasie vind ons uit wat al die behoeftes en besonderhede is wat die ontwerp sal beïnvloed. Watter tipe oes- en waterbehoeftes die ontwerp sal moet voorsien, asook verdere besonderhede soos skedulering, plant- of ryspasiëring, besproeiings- en/of sproeibemestingsmetode, outomatisering en tipe struktuur.

    Op grond hiervan, sal ons inligting verskaf oor wat die ontwerp sal behels asook die beraamde koste om die ontwerpproses te voltooi.

  • Stap 2

    Topografiese opname

    Ons doen ‘n gedetailleerde topografiese opmeting met ons nuutste en akkurate intydse kinetiese (realtime kinematic – RTK-GPS) toerusting of lugfoto’s. Ons bied ‘n professionele lugfotodiens met volle ortoverbeterde mosaïekbeeld en topografiese inligting. Die hoëresolusie-mosaïek is ‘n geskikte plaasvervanger in Google Earth as agtergrond (oorleg) vir beplanning deur die kliënt. Die mosaïek en topografiese produk is geskik vir ingenieurs- en besproeiingsontwerp, byvoorbeeld in CAD- en GIS-stelsels.

  • Stap 3

    Betrokkenheid van belanghebbendes

    Ons stel ons planne (met die kliënt se toestemming) elektronies beskikbaar aan alle belanghebbendes. Ons ontwerpers sit dan saam met die kliënt en belanghebbendes soos grondkundiges, landboukundiges, konsultante en kweekhuisvervaardigers om hul insette en vereistes te kry.

  • Stap 4

    Water- en energiebegroting

    Ons bereken ‘n waterbegroting en die energiespesifikasies, met inagneming van al die relevante insette, besonderhede en vereistes.

  • Stap 5

    Ontwerp en beplanning

    Ons doen die oorhoofse beplanning, wateropberging, drukhoogtebeheerontwerp, hooflynontwerp, landeryontwerp, outomatisering en sproeibemesting. Indien van toepassing, sluit ons ook dakwater-opgaar, dreinering en dreinwater-hersirkulering in.

  • Stap 6

    Planne, tegniese dokumente en tekeninge

    Die proses eindig met die verskaffing van die planne, tegniese dokumente en tekeninge aan die kliënt. Sodra die ontwerp voltooi is, word ‘n voorraadlys saamgestel en aan die kliënt oorhandig.

KORPORATIEWE LID VAN:

ADRES
Worcesterstraat, Grabouw,
Wes-Kaap, Suid-Afrika, 7160

KONTAK
(+27) 21 859 4246
info@cherryirrigation.com

Cherry Irrigation © 2019 – Alle regte voorbehou.    |    Webwerf deur Firefly Studio en Lemonade Hub
Laai bepalings en voorwaardes af

Facebook
YOUTUBE
LinkedIn
Instagram